पोखरामा पनि एमालेको प्रदर्शन

काठमाडौं । पोखरामा पनि एमालेले प्रदर्शन गरेको छ । अध्यक्ष केपी शर्मा ओली शनिबार पक्राउ परेपछि त्यसको विरोधमा काठमाडौंमा दिउँसोदेखि नेता कार्यकर्ताहरू सडकमा निस्किएका थिए ।

अपराह्नसम्म पोखरामा पनि एमाले कार्यकर्ताहरू ओलीको रिहाइ माग गर्दै सडकमा निस्किएका हुन् । शनिबार बिहानै ओली गुण्डुस्थित आफ्नै निवासबाट पक्राउ परेका थिए ।

त्यस लगत्तै बसेको केन्द्रीय सचिवालय बैठकले सरकारको कदमको विरोध गर्दै राजनीतिक र कानुनी रूपमा प्रतिवाद गर्ने निर्णय गरेको थियो ।